Total Pageviews

Sunday, 10 November 2013

COACH PATRICK LIEWING AVUMBUA VIPAJI VIKALI O.F.A

Kocha mkali kutoka nchini ufaransa PATRICK LIEWING ambae hivi karibuni aligundua vipaji vikali vya soka katika kituo cha kukuza vipaji vya soka nchini Orange Football Academy vipaji ambavyo inashangaza sana kuona wataalamu wa soka nchini walishindwa kuviona hadi ujio wa kocha huyo ambae kwa haraka haraka aligundua wakali kadhaa ambao makocha na wataalamu wakuu wa vilabu vikubwa nchini bado wakiwa na "changa la macho" kwa kushindwa  kuwagundua wakali hao kama wanavyoonekana katika picha hapo chini.

Fuatilia habari zaidi za wanandinga hao chipukizi kupitia katika official website yetu ya www.ofaznz.net. 


Sunday, 15 September 2013

ORANJE FOOTBALL ACADEMY YAICHAPA SAP SOAP



MATOKEO ORANGE 1 - 0 SAP SOAP, GOLI LA OFA LIMEFUNGWA NA ADAM ALI (EDO) DAKIKA YA 56.


Orange Football Academy yatoa kichapo cha Goli 1 - 0 dhidi ya timu ya Sap Soap kutoka kwa Mchina mwanzo katika mchezo safi wa kirafiki uliochezwa Mau leo 14/9/2013, Goli la vijana wa OFA limefungwa na Mchezjai Adam Ali (Edo) kipindi cha pili ch amchezo dakika ya 56. hata hivyo vijana wa ofa walipoteza nafasi nyingi za wazi.

Vile vile Vijana wa OFA U-19 watacheza mechi ya kirafiki na timu ya New Vission katika Kiwanja cha Mao Ste tong.
Kituo cha kukuza na kuendeleza vipaji kwa vijana cha OFA kinatoa rambi rambi za pongezi kwa vijana wa Copa Coka Cola kutoka Mkoa wa Mjini Magharibi kwa ushindi mzuri walioupata na kushinda Taji la mashindano hayo kwa vijana wa Umri chini ya miaka 15

Saturday, 7 September 2013

MAZOEZI ORANJE FOOTBALL ACADEMY


Kituo cha kukuza vipaji vya soka kwa vijana nchini ORANGE FOOTBALL ACADEMY kinaendelea vizuri na mazoezi yake kujiandaa na ligi za vijana wa JUNIOR NA JUVENILE  msimu huu ambapo vijana wanaendea vizuri na huku kukiwa na ushindani mkubwa wa kupata namba katika vikosi vya kwanza vya O.F.A .
 Kutokana na ushindani mkubwa wa kuwania nafasi za kuwa katika kikosi cha kwanza chipukizi wote wamekuwa wakijituma sana mazoezini na kutoa burudani safi kutokana na vipaji vya nyota hao.
mazoezi yakiendelea katika viwanja vya mao b

MASHINDANO YA COPA COCA COLA 2013

KIKOSI CHA MKOA WA MJINI MAGHARIBI CHA COPA COCA COLA KIKIPASHA KABLA YA KUJITUPA KIWANJANI KUVAANA NA TIMU YA MKOA WA KUSINI PEMBA AMBAPO KIKOSI HICHO CHA MKOA WA MJINI MAGHARIBI KIKIWA KIMESHENI NYOTA KILIWEZA KUTOKA KICHAPO KIKALI KWA JUMLA YA MABAO 4-1 DHIDI YA MKOA WA KUSINI PEMBA  KATIKA PAMBANO LILILOFANYIKA KATIKA KIWANJA CHA MWANAKOMBO (MAHONDA)

LIGI KUU YA ZANZIBAR YAANZA

Mechi ya kwanza ya  ligi kuu ya Zanzibar kati ya mafunzo na chuoni ilifungua rasmi pazia la kuanza kwa ligi. 

Ligi hio imeanza kwa burudani safi ya soka lililooneshwa na timu zote mbili zikibadilishana wakati tu wakioneshana kazi katka mchezo huo  timu ya Chuoni iliokuwa mwenyeji ilipata Penalti dakika ya 5 ya mchezo na kushindwa kuitumia vyema baada ya kipa wa timu ya mafunzo kuicheza penalti hio hata hivyo timu ya mafunzo waliweza kuwadhibidi vizuri timu ya chuoni kwa vile muda wa dakika 85 za mchezo wamecheza 10 wakiwa pungufu  kufuatia mchezaji wao mmoja kutolewa nje ya kiwanja kwa mchezo mbaya kwa kuoneshwa kadi nyekundu na faulu hio ya dakika ya tano ya mchezo ndio ilomzawadia kadi hio nyekundu wakatihuo huo chama cha mpira wa miguu Zanzibar kimetowa sh 20,000 kwa mfungaji wa goli la kwanza kwenye ligi kuu kwa msimu huu
 Matokeo ya mechi hio ni Chuoni 1 na Mafunzo 2
Mashabiki wa soka wakifuatilia kwa makini mechi ya ligi kati ya Chuoni na Mafunzo

Saturday, 27 July 2013

ZFA wako wapi makocha hawa na zipi kazi zao wanazofanya?

Salum Vuai, Zanzibar

SITAKOSEA kama nitasema kwamba, miongoni mwa kazi za Chama cha Soka Zanzibar (ZFA), ni kusimamia timu zetu za taifa, za wachezaji wa umri mbalimbali.

Kabla ya kujiuzulu kwa aliyekuwa Rais wa ZFA Ali Ferej Tamim, uongozi wa chama hicho uliwahi kuwaita waandishi wa habari na kuwapa taarifa za utekelezaji wa mipango ya chama katika kuendeleza mpira wa miguu nchini.
Miongoni mwa mipango hiyo, ilikuwa kujenga timu imara za taifa kwa umri tafauti, kuanzia ngazi ya watoto na wakubwa.
Kupitia mkutano huo na waandishi uliofanyika mwaka 2011 katika ofisi za zamani za chama hicho zilizokuweko hoteli ya Bwawani, tuliambiwa na viongozi wa ZFA kuwa, imeamua kuteua makocha 14 kwa ajili ya kuchagua wachezaji na kuwafundisha katika timu mbalimbali za taifa.

Kwa upande wa timu ya wakubwa yaani Zanzibar Heroes, waliopewa jukumu la kuifundisha walikuwa, Stewart John Hall, na wasaidizi wake, Hemed Suleiman ‘Moroko’ na Ali Mohammed ‘Kidy’.Pia tukaelezwa kutakuwa na timu ya vijana walio chini ya miaka 23 (U-23).Hii ingefudishwa na Abdelfatah Abbas, raia wa Misri, akisaidiwa na Juma Sheha.
Aidha, Juma Sumbu alipewa jukumu la kuinoa timu ya vijana walio chini ya miaka 20 (U-20), na msaidizi wake, ni Ali Abdalla, wakati Mussa Jaribu akavishwa kofia ya kuifundisha timu ya wachezaji walio chini ya miaka 17 (U-17) sambamba na msaidizi wake Sheha Khamis.
Mbali na hizo, pia ZFA ilisema imeamua kuunda timu ya watoto walio chini ya miaka 15 (U-15), ambayo kocha wake ni Alley Mohammed Alley, huku Iddi Mohammed akitajwa kuwa msaidizi wa kikosi hicho.

Timu nyengine ni ile ya watoto wadogo wenye umri wa chini ya miaka 12 (U-12), ambayo kocha wake tulielezwa kuwa ni Hababuu Ali Omar, na Bundala Ramadhan, ndiye msaidizi wake.Na mwisho, ni timu ya taifa ya wanawake, ambayo kocha mwenye dhamana wa kuifundisha ni Nasra Juma Mohammed na msaidizi wake ni Ali Mohammed ‘Kidy’ ambaye pia ametajwa kuwa msaidizi wa Zanzibar Heroes.

Lakini jambo la kushangaza, tangu wakati huo, hakuna chochote kinachofanyika kuhusiana na timu hizo na namna ya kuziendeleza, yaani hazikuchaguliwa kabisa na inaonekana uteuzi wa makocha hao ulikuwa ni porojo za ‘kufurahisha barza’ tu.
Katika hali ya kawaida, baada ya ZFA kuteua makocha hao, ilipaswa iwape taarifa za maandishi juu ya uteuzi wao, na ifanye nao kikao ili kuwafafanulia majukumu yao.
Yawezekana hayo yalifanyika, lakini ni kwa kiasi gani makocha hao waliwezeshwa kufanya ziara katika wilaya zote Unguja na Pemba ili kuangalia mashindano mbalimbali na kuchagua wachezaji wa kufaa kuzichezea timu hizo.
Nina hakika hakuna jitihada zozote zilizochukuliwa kuhakikisha makocha hao wanafanya kazi waliyopewa, kwa kuwa ZFA yenyewe haina chanzo chochote cha kupata fedha za kutekeleza shughuli zake, sikwambii kusimamia timu saba za taifa.
Ni rahisi kusema kwa mdomo kwamba mtu au taasisi inakusudia kufanya hili au lile, lakini unapofika wakati wa vitendo, kama hakuna fedha, hakutafanyika kitu, na ndivyo ilivyotokea.Kubwa tunalolishuhudia, ni kushughulikiwa kwa timu ya wakubwa, Zanzibar Heroes, tena hilo hufanyika kila wakati wa mashindano ya Chalenji yanayoshirikisha timu za mataifa ya Afrika Mashariki na Kati.

Na hili nalo kwa kiasi kikubwa linabebwa na serikali, au pale wanapotokea wadhamini, huchangia walichonacho kugharamia mahitaji ya timu ikiwemo kuipatia vifaa wa ajili ya mashindano.Mimi huwa ninajiuliza, huwaje chama kikubwa kama ZFA kifanye maamuzi ya kukurupuka, na kushindwa kujiendesha kisasa?Ni wazi kuwa ZFA inakosa wataalamu ambao ingeweza kuwatumia kupanga mpango kazi wake na kuusimamia ipasavyo.
Lakini hata ikiwa nao watu walio weledi, itawezaje kuwalipa ikiwa yenyewe ina mzigo wa madeni, hasa lile la kodi inayodaiwa na hoteli ya Bwawani ambayo imefikia shilingi milioni 14 sasa? Kwa hivyo, kama haina uwezo huo, kwa nini iwaite waandishi wa kujikweza kwamba ina mipango mingi na mizuri lakini mwisho wa habari ishindwe kuitekeleza? Tukiacha timu za umri mwengine, ZFA inaweza kueleza, kwa nini inashindwa kumtumia ipasavyo kocha Abdelfatah Abbas ambaye serikali ya Misri ilimleta msaada kwa ajili ya maendeleo ya soka zanzibar.
..........
HAPO NYUMA KUPITIA KATIKA BLOG HII YA KITUO CHA KUKUZA VIPAJI VYA SOKA KWA VIJANA KULIWAHI KUTOLEWA MAONI YA SUALA LA MAENDELEO YA SOKA KWA VIJANA JINSI YA KUTOKUWEPO KUSHIRIKIANA KATI YA WIZARA YA UTALII NA WIZARA YA MICHEZO AMBAZO ZOTE NI WIZARA MOJA.

KAMA KUTAKUWA NA UTARATIBU KWA KILA MTALII ANAEINGIA NCHINI AIDHA KUPATA DOLA MOJA AU NUSU DOLA ANAPOINGIA AU KUTOKA NCHINI AU KUPITIA KATIKA NYUMBA ZA KULALIA WAGENI AU SEHEMU YOYOTE ILE FEDHA HIZI NI KWAAJILI YA KUIBUA NA KUKUZA SOKA KWA UPANDE WA VIJANA BASI HILO NI SUALA AMBALO SIO KUBWA KULIKO KUSUBIRI KUTEGEMEA KUSUBIRI WAFADHILI.

SOKA NI AJIRA KWA VIJANA WENGI HIVYO SERIKALI IKIWEKEZA ITAWEZA KUJIPATIA FAIDA KWA KUTOA AJIRA KWA VIJANA WAKE AMBAO WENGI WAO WANAKUWA NI VIGUMU KUPATA KAZI ZA OFISINI AU SEHEMU NJINGINE NA KUPELEKEWA WIMBI LA VIJANA KUKOSA KAZI .

MBALI NI HILO SOKA NI MCHEZO UNAOPENDWA NA WATU WENGI NCHI YOYOTE ILE DUNIANI HIVYO KAMA SERIKALI YOYOTE DUNIANI INATAKIWA IHESHIMU PIA WANANCHI WAKE NA MAPENZI YAO KWANI SIO KILA MTU MWANASIASA.

SERIKALI KIKAWAIDA INASHINDWA KUWAUNGANISHA WANANCHI WAO KATIKA SIASA LAKINI WANANCHI HAO HUUNGANA NA KUWA  WAMOJA KATIKA MAPENZI YA TIMU ZAO ZA SOKA HIVYO HIO PIA NI FARAJA KWA NCHI WANANCHI KUWA PAMOJA.

HATA HIVYO TUNATARAJIA HARAKA SANA KUONA TIMU ZA TAIFA KUANDIA U12 HADI TIMU YA WAKUBWA ZINAREJEA KUANZA KAZI KAMA MIPANGO ILIVYOWEKWA HUKO NYUMA, TUNATARAJIA BADO ZFA INA NIA NA MPANGO HUU AMBAO LABDA TU BADO UPO OFISINI KATIKA MAKARATASI NA SASA NI MUDA WAKE MZURI WA KUUFANYIA VITENDO KWA MAENDELEO YA TAIFA.

BTMZ V/S VYAMA VYA MICHEZO

Na Mwandishi Maalum

HIVI karibuni, kulifanyika kikao kimoto kati ya Waziri wa Habari, Utamaduni, Utalii na Michezo, viongozi wa Baraza la Taifa la Michezo Zanzibar (BTMZ) na wale wa vyama vya michezo nchini.

Tunaposema kikao hicho kilikuwa kimoto hatutii chumvi, kwani viongozi wa vyama vya michezo walitoa shutuma nyingi kwa uongozi wa BTMZ na hilo lilionekana na kila aliyekuwepo katika kikao hicho.   Kwa kinywa kipana, viongozi hao walidai kupuuzwa na kutopewa uzito maombi yao ya ruzuku,
wanapohitaji kufanya shughuli mbalimbali za kimichezo zikiwemo safari za kwenda kwenye mashindano nje ya Zanzibar .
Kila kiongozi wa chama aliyesimama, alielezea asivyoridhishwa na namna wanavyotendewa na viongozi wa baraza hilo . 
Lazima tukiri kuwa, kuongoza watu kuna changamoto zake, na pale kunapotokea misuguano, ndio wakati mzuri wa kumpima kiongozi kama kweli amekomaa na anaweza kuirudisha kwenye utulivu hali ya hewa iliyochafuka.
Ni jambo jema kwamba baada ya kikao hicho, Katibu Mtendaji wa BTMZ aliamua kuweka bayana taarifa ya fedha alizoingiziwa kwa kipindi chote cha mwaka wa bajeti wa 2013/2014, ambazo zilikuwa pungufu na zile alizotarajia kupewa.Tunasema hatua hiyo ni ya busara,
lakini tunaona imechelewa kwani kutolewa kwake kulitokana na presha ya viongozi wa vyama kulisakama baraza kwamba ndilo linalokwamisha shughuli zao kwa kuvinyima vyama hivyo mafungu ya ruzuku.   Tunaamini kwamba,
viongozi wa vyama vya michezo ni watu wazima na wenye uelewa wa hali halisi ya kifedha inayoikabili serikali, kwa hivyo wasingekurupuka kutoa ya moyoni, ila kuna kasoro pahala fulani.Mara kadhaa,
viongozi hao wamesikika wakilalamika kupitia vyombo vya habari juu ya ukata unaovikabili vyama vyao, na kuwa wanapoomba fedha hawasikilizwi.
Utafiti mdogo uliofanywa na safu hii, umebaini kumbe tatizo ni usiri tu unaotawala baraza, kwani mara nyingi,vyama vinapowasilisha barua za kuomba ruzuku au msaada wa kuendeshea mambo yao ,   barua hizo hazijibiwi na zinabaki kwenye makabati ya ofisi za BTMZ.
Kumbe uongozi wa baraza ulipaswa kuwa rafiki wa karibu na vyama kwa kueleza ukweli mapema unapopokea barua za maombi ya fedha, badala ya kuzikalia na kushindwa kueleza kama hauna fedha zinazotakiwa au vyenginevyo.
Aidha, vipo vyama vya michezo midogo ambavyo vinapaswa kupewa kasma ndogo sana , kwa mfano chama cha mchezo wa karata, kilichopangiwa kijifungu cha shilingi laki moja, lakini hata hizo wanalalamika kuwa hawazipati.
Hatuoni mantiki ya kukinyima chama hicho kijifungu cha shilingi laki moja, kama baraza linaweza kukipa chama cha kunyanyua vitu vizito shilingi milioni tano.
Ni kweli baraza halioni pahala pa kunyofoa shilingi laki moja na kukipa chama cha karata haki yake hiyo?Tunadhani matatizo mengine hayapasi kukuzwa kwani yanahitaji busara kidogo na maarifa ya kiuongozi ili kuyatatua, na vyama vitafahamu kwani havipingi kwamba upatikanaji wa pesa ni mgumu,
lakini vinakosa imani na uongozi kutokana na usiri tu.
Ni vyema BTMZ ikaamua kujisogeza karibu na vyama kwani baraza hilo ndilo mlezi wao, na pia likumbuke uwazi katika uwajibikaji ndio silaha ya kuleta ufanisi popote pale.

Tuesday, 16 July 2013

HABARI MPYA ZA SOKA

FUATILIA HABARI MPYA ZA KILA SIKU ZA SOKA KUPITIA KATIKA OFFICIAL WEBSITE YETU http://ofaznz.net/ PIA FUATILIA HABARI MPYA ZA SOKA KILA DAKIKA ZA  ULIMWENGU MZIMA  KUPITIA KATIKA LINKS ZINAZOPATIKANA KATIKA WEBSITE YETU HIO.
KARIBU SANA NA BURUDIKA NA HABARI MPYA ZA SOKA ZINAZOPATIKA HAPO KATIKA WEBSITE  KWA NIABA YA KITUO CHETU CHA KUKUZA SOKA KWA VIJANA NCHINI ORANJE FOOTBALL ACADEMY.

Sunday, 30 June 2013

BREAKING NEWS: O.F.A YAZINDUA RASMI OFFICIAL WEBSITE YAKE.


KITUO CHA KUKUZA SOKA KWA VIJANA NCHINI ORANGE FOOTBALL ACADEMY KIMEZINDUA RASMI OFFICIAL WEBSITE YAKE www.ofaznz.net AMBAYO IKO KATIKA KIWANGO CHA HALI YA JUU TAYARI KUTOA KAZI ZAKE KWA UBORA ZAIDI NA URAHISI KWA WAPENZI WA SOKA NA WATANZANIA WOTE KWA UJUMLA,
ORANJE FOOTBALL ACADEMY IMEKUWA IKITUMIA BLOG YA www.oranjefootballacademy.blogspot.com AMBAYO ILIKUWA NI KWAAJILI YA KUHIFADHIA KUMBKUMBU ZAKE KABLA YA WEBSITE HIO KUANZA KAZI RASMI jana tarehe 29-06--2013 AMBAYO SASA ITAKUWA IKITOA HABARI NJINGINE ZA ZIADA KWA VILABU VYOTE VIDOGO NCHINI AMBAO HABARI ZAO ZIMEKUWA ZINASHINDIKANA KUPATIKANA KUTOKANA NA KUTOKUWA NA WEBSITE AU BLOG ZAO HIVYO KUVIFANYA VILABU HIVYO VICHANGA HABARI ZAO KUPOTEA BILA YA KUWA NA KUMBUKUMBU ZOZOTE.
Mgeni Rasmi katika uzinduzi wa Website hio www.ofaznz.net uliofanyika katika ukumbi wa Umoja wa watu wenye ulemavu Weless alitarajiwa kuwa ni Mheshimiwa mwakilishi wa jimbo la kikwajunu mhe Mahmoud Muhammed Mussa lakini kutokana na dharura za kikazi amewakilishwa na mwakilishi wa Jimbo la Kwahani Mhe Ali Salum mwanamichezo mahiri na mpenda michezo wa muda mrefu nchini ambae michango yake mikubwa imeonekana kwa muda mrefu.
Waalikwa wengi wamejitokeza katika uzinduzi huo wakiwemo Wachezaji wa zamani wa soka , makocha wa timu mbalimbali , waamuzi ,wazee wa wachezaji wakiongozwa na wenyeviti wa Z F A Wilaya ya Mjini na wilaya ya Magharibi ambapo pia ulihudhuriwa na mwanasheria maarufu Mh Abdalla Juma ambae pia ni mwanasheria wa Z F A na mjumbe wa kamati tendaji ya  Z F A katika uzinduzi huo.

Viongozi wa vilabu mbalimbali na wa serikali za mitaa pia walihudhuria vilevile waandishi wa habari wa TV,Radio na magazeti mbalimbali nchini walijumuika katika uzinduzi huo ambao wote kwa pamoja inatuunganisha katika timu moja ya wizara ya habari udamaduni,utalii na michezo.

Mbali na soka pia kituo kimeanzisha rasmi timu ya mchezo wa CHESS baada ya kuzinduliwa rasmi katika hafla hiyo, wakati huo huo mgeni rasmi ameahidi kushirikiana na kituo katika kuhakikisha tunapata eneo la kujenga Hostel ikiwa pia na kiwanja cha kisasa cha mpira.
TUNAWAOMBA WADAU WOTE KUTOA USHIRIKIANO NA KITUO CHETU KATIKA KUWASAIDIA VIJANA WETU ILI KWA PAMOJA TUWEZE KUPANDISHA KIWANGO CHA SOKA NCHINI KWA KUTOA VIJANA WENYE UWEZO KULISAIDIA TAIFA LETU.
Tembelea website yetu kila siku www.ofaznz.net ambapo kutakuwa na habari za soka kwa vilabu mbalimbali nchini kwa mujibu tutakavyopata habari hizo,vilevile pata habari za soka kimataifa kupitia katika LINKS katika website yetu ambapo kuna website za kimataifa za soka zenye kuweka habari zote za soka za dunia nzima kila dakika.

Monday, 24 June 2013

MATUKIO YA FAINALI ZA SOKA CHIPUKIZI WA JUVENILE PAMOJA NA JUNIOR

LIGI YA SOKA KWA VIJANA WA JUVENILE CHINI YA MIAKA 15 PAMOJA NA JUNIOR U17 JANA ILIFIKIA FAINALI ZAKE AMBAPO WASHINDI MBALIMBALI WALIPATIKANA KATIKA FAINALI HIZO NA KUKABIDHIWA  ZAWADI MBALIMBALI KWA WASHINDI HAO.
Wachezaji wa timu ya Barcelona (pichani juu)wakipita mbele ya mgeni rasmi Mwenyekiti wa Z F A wilaya ya mjini ndugu Hassan Haji (Chura)
 Mwenyekiti akimkabidhi zawadi nahodha wa timu ya Barcelona
...............................................................
 Wachezaji wa El hilal wakivishwa medali na mgeni rasmi


Mgeni rasmi akikabidhi kikombe na fedha taslim shilingi laki mbili kwa timu Bingwa kwa Daraja la vijana Juvenile timu ya El hilal

.....................................................................
Wachezaji wa O F A wakisubiri kupokea zawadi yao ya mshindi wa pili


Mgeni rasmi Mh Ali Salum Mwakilishi wa Jimbo la kwahani akimkabidhi zawadi ya mshindi wa 2 kepteni wa OFA.